कर्मचारी सेवामुखी हुनुपर्छ ।


काठमाडौं, ८ साउन– प्रधानमन्त्री केपी शर्मा ओलीलाई प्रधानमन्त्री प्राकृतिक प्रकोप उद्धार तथा राहत कोषकालागि आज दुईवटा संस्थाले २५ लाख रुपैंया हस्तान्तरण गरेका छन् । प्रधानमन्त्री निवास बालुवाटारमा निजामती कर्मचारीहरुको आधिकारिक ट्रेड यूनियनले १० लाख र व्यापारिक समुह केडिया ग्रुपले १५ लाख रुपैंया हस्तान्तरण गरेका हुन् । राहत रकमको चेक बुझ्दै प्रधानमन्त्री ओलीले बाढी पहिरोको चपेटामा परेका जनतालाई सहयोग गर्नका लागि रकम हस्तान्तरण गरेकोमा दुबै संस्थालाई धन्यवाद दिनुभएको छ । राहत रकम बुझाउन गएको निजामती र्मचारीको आधिकारिक टे«ड यूनियनको प्रतिनिधि मण्डलसँग कुरा गर्दै प्रधानमन्त्री ओलीले अब सबैले योगदान गर्नुपर्ने समय आएको बताउनुभएको छ । उहाँले मुलुकमा लोकतान्त्रिक प्रणाली आईसकेको हुनाले अब आफ्ना माग सुनुवाइ गर्न आन्दोलन गर्नु नपर्ने बताउनु भएको छ । प्रधानमन्त्री ओलीले सरकार सुशासन र विकासका निम्ती प्रतिवद्ध रहेको उल्लेख गर्दै यस अभियानलाई साथ दिन कर्मचरीहरुलाई आग्रह पनि गर्नुभएको छ ।

About

हरेक पल हरेक खबर विचार र समचारको जनपक्षीय डिटिटल पत्रिका छलफल विक्ली डट कम