लादेनका छोरा हाम्जाका बारेमा सूचना दिनेलाई १० लाख अमेरिकी डलर पुरस्कार दिने


वासिङ्टन, १७ फागुन – अल–कायदका संस्थापक ओसामा बिन लादेनका छोरा हाम्जाका बारेमा सूचना दिने व्यक्तिलाई १० लाख अमेरिकी डलर पुरस्कार दिने घोषणा संयुक्तराज्य अमेरिकाले गरेको छ । अमेरिकाले लादेनका छोरा हाम्जा बिन लादेन आतङ्कवादी कृयाकलापमा संलग्न रहेको दाबी गरेको छ । उनि “जिहादका युवराज” भनेर पनि चिनिन्छन ।

उनि हाम्जा पाकिस्तान, अफगानिस्तान, सिरिया वा इरानमध्ये एक देशमा लुकेर बसेको अमेरिकाले अनुमान गरेको छ ।

अमेरिकी विदेश मन्त्रालयले जारी गरेको विज्ञप्तिमा अनुसार “हाम्जा अहिले अल–कायदा समूहका नेताका रुपमा स्थापित हुन थालेको देखिएको छ,”

हाल हाम्जा रहेको मुलुकको नाम र ठेगाना दिएमा त्यस्तो सूचना दिने व्यक्तिलाई अमेरिकाले १० लाख पुरस्कार दिने अमेरिकी विदेश मन्त्रालयले जनाएको छ ।

३० वर्षीय हाम्जाले आफ्नो बुबाकोे हत्याको बदला लिने बताउँदै आएका छन । हाम्जाका बुबा ओसामा बिन लादेनको सन् २०११ मा अमेरिकी विशेष फौजले पाकिस्तानी शहर अबोटाबादमा हत्या गरेको थियो ।

अमेरिकी गुप्तचर निकायहरुले हाम्जामाथि निगरानी बढाएको र अमेरिकाका निम्ति सुरक्षा खतरा रहेको बताएका छन् ।

हाम्जाले सन् २०१५ मा एक अडियो सन्देश जारी गरी सिरियाका जिहादीहरुलाई एकताबद्ध हुन आग्रह गरेका थिए । आफ्ना पिताले झैं हाम्जाले पनि साउदी अरेबीयाको नेतृत्व अपदस्थ गर्नुपर्ने बताउँदै आएका छन् ।

ओसामा बिन लादेनका तीन श्रीमती र छोराछोरीलाई साउदी अरेबियामा आश्रय दिइएको छ । तर हाम्जाका बारेमा थाहा हुन सकेको छैन ।

दक्षिण कोरियालीको साप्ताहिक कार्य समय घट्यो


दक्षिण कोरियालीको साप्ताहिक कार्य समय सन् २०१७ मा अघिल्लो वर्षको तुलनामा केही घटेको शुक्रबार सार्वजनिक सरकारी तथ्यांकले देखाएको छ । कोरियालीहरुले काम र निजी जीवनबीच सन्तुलन खोज्न थालेको विश्लेषण गरिएको छ ।

कोरिया तथ्यांक विभागका अनुसार दक्षिण कोरियाली पुरुष र महिलाले सन् २०१७ मा प्रति हप्ता औसतमा ४२ दशमलब ८ घण्टा काम गरेका छन् । सन् २०१६ मा प्रति हप्ता ४३ घण्टा थियो ।
दक्षिण कोरियालीको प्रति हप्ता कार्य समय सन् १९९० देखि निरन्तर घट्दै आएको पाइएको छ । सन् १९९० मा कोरियालीको प्रति हप्ता कार्य समय ५३ दशमलब ८ घण्टा थियो । तथापी, दक्षिण कोरियालीको कार्य समय अरु मुलुकको दाँजोमा अझै पनि बढी छ ।

तथ्यांक विभागका अनुसार, सन् २०१६ मा दक्षिण कोरियालीले औसतमा वार्षिक दुई हजार ५२ घण्टा काम गरेका छन् । आर्थिक सहयोग तथा विकास संगठनमा आबद्ध ३६ औद्योगिक मुलुकमध्ये २९ राष्ट्रको वार्षिक कार्य घण्टा गणना गर्दा कोरियाको यो कार्य घण्टा तेस्रो सबैभन्दा बढी हो । जुलाईमा दक्षिण कोरियाले प्रति हप्ता कार्य समयमा संशोधन गरी ६८ घण्टाबाट घटाएर ५२ घण्टामा ल्याएको थियो ।

यसैबीच दक्षिण कोरियाका राष्ट्रपति मून जाए–इनले आफ्नो कार्यकाल तीन वर्ष पुग्नै लाग्दा मन्त्रिपरिषदमा शुक्रबार हेरफेर गरेका छन् । उनले दुई जना उप वित्तमन्त्रीसहित १६ जना नयाँ उपमन्त्रीहरु नियुक्त गरेका छन् ।

खशोग्जीको हत्याको टेपन ट्रम्पले नसुन्ने


(एजेन्सी) । अमेरिकी राष्ट्रपति डोनाल्ड ट्रम्पले साउदी पत्रकार जमाल खशोग्जीको हत्याको श्रव्य टेप आफूले नसुन्ने बताएका छन् । त्यो श्रव्य सामग्री निकै ‘पीडादायी र हिंसात्मक’ भएको भन्दै उनले सुन्न नसकेको बताएका हुन् ।

साउदी अरेबिया सरकारका कटु आलोचक अमेरिकी पत्रिका ‘द वासिंगटन पोष्ट’का स्तम्भ लेखक खशोग्जीको गत २ अक्टोबरमा टर्कीको इस्तानबुलस्थित साउदी वाणिज्य दूतावासमा हत्या भएको थियो ।

टेप पीडादायी र हिंसात्मक भएको उक्त टेपको पूरा विवरण आफूलाई प्राप्त भएको ट्रम्पले अमेरिकी टेलिभिजन ‘फक्स न्यूज’लाई दिएको एक अन्तर्वार्तामा बताएक छन् । प्रत्यक्ष रुपमा सो टेप नसुने तापनि आफूलाई पूरा विवरण प्राप्त भएको उनले बताएका छन् ।
आगामी दुई दिनमा ट्रम्प प्रशासनले पूरा प्रतिवेदन दिने अर्थात् हत्यामा कसैको प्रत्यक्ष सहभागिता रहेको सो प्रष्ट गरिने ट्रम्पले शनिबार बताएका थिए । अहिलेसम्म अप्रष्ट समाचारहरु प्राप्त गरेको पनि उनले बताएका छन् ।

साउदी पत्रकार खशोग्जीको हत्याको विषयमा अमेरिकी अनुसन्धानका विवरणहरू बाहिर आइरहेका छन् । अमेरिकी गुप्तचर निकाय सिआईएको निष्कर्षमा पत्रकार खशोग्जीको हत्या गर्ने निर्देशन साउदी युवराज मोहम्मद बिन सलमान आफैँले दिएका थिए भन्ने विवरण बाहिर आइसकेको छ ।

तर, ट्रम्पले ती विवरणहरू अपुष्ट भएको बताउँदै आफ्नो देशको एक प्रमुख मित्र साउदी अरेबियालाई गुमाउने पक्षमा नरहेको स्पष्ट गरे । साउदी अरेबियाले खशोग्जीको हत्यामा आफ्ना युवराजको कुनै भूमिका नरहेको बताउँदै आएको छ ।

खशोग्जी एक चर्चित पत्रकार थिए । उनले अफगानिस्तानमा सोभियत संघको अतिक्रमणदेखि ओसामा बिन लादेनको उदयसम्मका विषयमा कैयौँ साउदी समाचार संस्थाका लागि समाचार लेखेका थिए । गत वर्ष उनी अमेरिकामा निर्वासनमा गएका थिए ।

अमेरिकी संसदको रिपोर्ट: यदि चीन संग युद्ध भएमा अमेरिका हार्न सक्छ


यदि चीन संग युद्ध भएमा अमेरिका हार्न सक्ने रिपोर्ट अमेरिकी संसदको एक आयोगले दिएको छ । नेशनल डिफेन्स स्ट्रेटेजी कमिशन९राष्ट्रिय प्रतिरक्षा रणनीति आयोग०ले दिएको रिपोर्टलाई उद्धृत गर्दै अमेरिकाको चर्चित पत्रिका वासिंगटन पोष्टले प्रकाशित गरेको समाचारमा सो कुरा जनाइएकोछ ।

सो रिपोर्टमा भनिएको छ “अमेरिकी सेनाले आगामी द्वन्दमा अस्वीकार्य उच्च क्षति र प्रमुख पूँजीगत सम्पति हार्न सक्नेछ । यसले चीन वा रुस संगको युद्धमा विजयका लागि संघर्ष गर्न सक्नेछ वा शायद हार्न पनि सक्नेछ । ”

त्यसमा भनिएको छ कि दुई वा दुई भन्दा वढी मोर्चाहरुमा युद्ध गर्न प¥यो भने अमेरिका उच्च जोखिममा हुनेछ ।

सो आयोगले भनेको छ कि अमेरिकाले ७१६ विलियन डलर वरावर यसपाली रक्षा वजेट वनाएप्िन चीन र रुसले अमेरिकालाई हराउन सक्ने सम्भावना छ । यो वजेट चीनको भन्दा चार गुणा र रुसको भन्दा १० गुणा वढी छ ।

यस रिपोर्टले अमेरिका चीन रुस वीचको सैन्य प्रतिस्पर्धा अझ वढ्न सक्ने संकेत गर्दछ । विश्वका वहुसंख्यक जनता गरिवीमा पिल्सिरहे पनि सैन्य क्षेत्रमा अत्यधिक खर्च गर्ने र विश्वलाई वन्दुकको छायाँमा राख्नेमा ठुला देशहरु नै अग्र पंक्तिमा रहेको देखाउँछ ।

आङ सान सुकीलाई दिएको सर्वोच्च सम्मान फिर्ता


काठमाडौ-एमनेस्टी इन्टरनेशनलले म्यानमारकी नेतृ आङ सान सुकीलाई दिएको सर्वोच्च सम्मान ‘एम्बेस्डर अफ कन्साइन्स अवार्ड’ फिर्ता लिएको छ। म्यान्मारकी सर्वोच्च नेता एवं नोबेल पुरस्कार विजेता सू चीलाई सन् २००९ मा उक्त अवार्ड दिएको थियो। अवार्ड प्राप्त गर्दा उनी घरमै नजरबन्द थिइन ।

एमनेस्टीले रोहिंग्या अल्पसंख्यकप्रति उनको व्यवहारले निराश बनाएको भन्दै उक्त अवार्ड फिर्ता लिएको हो। नोभेम्बर १२ मा उक्त अवार्ड फिर्ताको घोषणा गरिएको हो। एमनेस्टी इन्टरनेशनलका महासचिव कुमी नाइडुले अवार्ड खोसिएकोबारे जानकारी सू चीलाई दिएको बीबीसीले जनाएको छ।

लोकतान्त्रिक आन्दोलनका क्रममा १५ वर्षसम्म नजरबन्दमा रहेकी सूचीलाई १९८९ मा एमनेस्टीले राजनीतिक बन्दी घोषित गरेको थियो। राजनीतिक बन्दी घोषित गरेको २० वर्षपछि एम्नेस्टीले उक्त अवार्ड फिर्ता लिएको हो।