कोरोनाको नयाँ रेकर्ड


काठमाडौ । नेपालमा कोरोना संक्रमणले नयाँ रेकर्ड कामय गरेको छ । हिजो एकैदिन कोरोना संक्रमितको संख्या ५ हजार ७४३ जनामा फैलिएको छ । जुन नेपालकालागि नयाँ रेकर्ड हो । देशभरका प्रयोगशालामा २० हजार ७४२ नमुना परीक्षण गर्दा २७ दशमलव ६८ प्रतिशतमा संक्रमण पुष्टि भएको हो । नयाँ संक्रमितमध्ये ३ हजार १ सय ७ जना काठमाडौं उपत्यकाका छन । नेपालमा कोरोनाबाट संक्रमित हुनेको संख्या एक लाख ४४ हजार आठ सय ७२ पुगेको छ । संक्रमितमध्ये ९९ हजार ६ सय पाँच जना निको भइसकेका छन भने सात सय ९१ जनाको मृत्यु भइसकेका छन । त्यसैगरी विश्वमा आज बिहानसम्ममा ४ करोड १४ लाख ६२ हजार ३६ जना संक्रमित भएका छन भने ११ लाख ३५ हजार ६ सय ९७ जनाले ज्यान गुमाइसकेका छन । कोरोना भाइरसबाट सबैभन्दा बढी प्रभावित राष्ट्र संयुक्त राज्य अमेरिकामा संक्रमितको संख्या ८५ लाख ८४ हजार नाघेको छ भने भातरमा ७७ लाख पाँच हजार नाघेको छ ।

मन्त्रीले धान काटे


काठमाडौ । बागमती प्रदेशका भूमि व्यवस्था, कृषि तथा सहकारी मन्त्री दावा दोर्जे लामाले चितवनको माडी नगरपालिकास्थित कान्तिपुरमा सामूहिक चक्लाबन्दी खेतीमा लगाइएको धान कम्बाइन हार्वेस्टर मेसिनबाट काट्न सुरु गर्नुभएको छ । १७ औं राष्ट्रिय धान दिवसका दिन असार १५ गते उहाँले मेसिनको प्रयोगमार्फत धान रोप्नुभएको थियो । चक्लाबन्दी खेतीमा आफैले रोपेको धान आफै काट्न पाउँदा आफुलाई खुसिलागेको मन्त्री लामाले बताउनुभएको छ । उहाँले माडीका सिमान्तकृत समुदायको जीवनस्तर उकास्न सामूहिक खेतीको अबधारणा अघि सारिएको बताउँदै कृषिमा आत्मनिर्भर बन्न चक्लाबन्दी खेतीको विकल्प नरहेको बताउनुभएको थियो । मन्त्री लामाले उत्पादन लागत घटाउन प्रदेश सरकारले चक्लाबन्दी खेतीमा जोड दिएको पनि बताउनु भयको थियो । माडी उर्वर भूमि रहेको भन्दै मन्त्री लामाले अन्न भण्डारको रुपमा विकास गर्दै लैजाने प्रदेश सरकारको नीति रहेको सुनाउनु भयको थियो । बागमती प्रदेश सरकारको सहयोगमा माडी नगरपालिका ८ कान्तिपुरमा रहेको सूर्योदय सहकारी संस्थाले किसानको जग्गा एकीकरण गरी चक्लाबन्दी खेती सुरु गरेको थियो । ९६ जना कृषकको सय विगाहा जमिनमा चक्लाबन्दी गरिएको छ । प्रारम्भिक चरणमा ५० विगाहामा चक्लाबन्दी भइसकेको छ भने यसबर्ष १५ विगाहा क्षेत्रफलमा धान रोपिएको सहकारीका प्रवन्धक शिवजी गायकले जानकारी दिनुभयको छ । सो स्थान १२ विगाहामा माछा पोखरी निर्माण गरिएको छ भने पाडापालनका लागि गोठ निर्माण गरिएको छ । सोही स्थानमा गन्धर्व समुदायको सांस्कृतिक संग्रालय र सामुहिक गन्दर्व बस्ती पनि निर्माण गरिएको छ । चितवन र सिन्धुलीबाट सुरु गरिएको सामूहिक खेती नुवाकोट र सिन्धुपाल्चोकमा पनि विस्तार गरिएको छ । गतबर्ष सो क्षेत्रमा प्रदेश सरकारले १ करोड र माडी नगरपालिकाले १० लाख रुपैंया सहयोग गरेका थिय ।

रानिपोखरी बन्यो


काठमाडौ । गत २०७२ साल वैशाख १२ गतेको भूकम्पले क्षतिग्रस्त रानीपोखरीबीचको बालगोपालेश्वर मन्दिर सहित हिजो उद्घाटन गरिएको छ । राष्ट्रपति विद्यादेवी भण्डारीले मन्दिर उद्घाटन गर्नुभएको हो । मन्दिर र रानीपोखरीका संरचना पुनःनिर्माणका लागि राष्ट्रपति भण्डारीबाट नै २०७२ माघ २ गते शिलान्यास गरिएको थियो । दुवै संरचना पुनःनिर्माणमा रु २८ करोड खर्च भएको राष्ट्रिय पुनर्निर्माण प्राधिकरणले जनाएको छ । पोखरी उद्घाटन कार्यक्रमलाई सम्बोधन गर्दै राष्ट्रपति भण्डारीले रानीपोखरी, खुलामञ्च र टुँडिखेललाई समेत समावेश गरी प्राधिकरणले बनाएको बृहत्तर गुरुयोजना जनप्रतिनिधिको समेत सहयोग लिएर कार्यान्वयन गरिनुपर्नेमा जोड दिनुभयको थियो । रानीपोखरीसँगैको भानु मावि र संस्कृत माविसमेत पुरानै स्वरुपमा पुनःनिर्माण भएको उल्लेख गर्दै राष्ट्रपति भण्डारीले सामुदायिक विद्यालयतर्फ उत्कृष्ट शैक्षिक संस्थाका रुपमा यसको ऐतिहासिक स्थान रहेको बताउनुभएको थियो । समारोहमा प्रधानमन्त्री केपी शर्मा ओली, उपप्रधानमन्त्री ईश्वर पोखरेललगायत मन्त्रिहरु र विशिष्ट ब्यत्तित्वहरुको उपस्थिति रहेको थियो ।

१२ को परिक्षा आयो


काठमाडौ । कोरोना संक्रमणका कारण रोकिएको कक्षा १२ को परिक्षा आउने मंसिर ९ गतेबाट संचालन हुने भएको छ । राष्टिय परिक्षा बोर्डले हिजो बुधबार परीक्षा सम्बन्धी समय तालिका सार्वजनिक गरेको छ । बिहान ८ बजेदेखि साढे ९ बजेसम्म परीक्षा संचालन हुने भएको छ । वैशाख ८ गतेदेखि संचालन हुनुपर्ने परीक्षा कोरोना संक्रमणका कारण स्थगित गरिएको थियो । स्वास्थ्य मापदण्ड र सामाजिक दुरी कायम गरेर परीक्षा संचालन गरिने बोर्डले जानकारी दिएको छ । बिदाका दिन शनिबार पनि परीक्षा संचालन गरेर मंसिर १६ गते सक्ने जनाएको छ ।

हत्याराको पहिचाहन हुँदै


काठमाडौ । हालै कैलालीको मोहना नदी क्षेत्रमा भएको प्रहरी सहायक निरीक्षक गोविन्द विकको हत्या प्रकरणमा प्रहरीले ११ जना शंकास्पद व्यक्तिलाई पक्राउ गरेको छ । पक्राउ पर्नेमा त्यस क्षेत्रबाट सामान तस्करीमा संलग्न रहने गरेका व्यक्ति र विकसँग असन्तुष्ट समूह छन । अनुसन्धान प्रारम्भिक चरणमा रहेकाले पक्राउ पर्नेको नाम नखुलाइएको प्रहरीले बताएको छ । मृतक विकको शव हेर्दा धारिलो हतियार प्रहार गरेर हत्या भएको देखिएको छ भने विस्तृत पोष्टमार्टम रिपोर्ट आएपछि मात्रै खुल्ने बताइएको छ । मृतक विकसँगै गत शनिबार साँझ बा ५८ प ५२८४ नम्बरको मोटरसाइकलमा गस्तीका लागि निस्किएका प्रहरी रामबहादुर साउद अझै बेपत्ता छन । उनको खोजिकोलागि नदीमा सशस्त्र प्रहरी बलको गोताखोर टोली परिचालित गरीएको छ । यो घटनामा भारतिय अपराधि समुहको हात हुन सक्ने स्थानिय बासिले बताएका छन ।