कास्कीमा लालपूर्जा वितरण


कास्की । कास्कीको पोखरामा हालै ३९ भूमिहिन सुकुम्वासीलाई जग्गाधनी दर्ता प्रमाण पूर्जा (लालपूर्जा) वितरण गरिएको छ । पोखरा महानगरपालिका वडा नं. १४, १९, २८ र ३१ का गरेर ३९ भूमिहिन सुकुम्वासीलाई लालपूर्जा वितरण गर्दै भूमि व्यवस्था, सहकारी तथा गरिवी निवारण मन्त्री शशी श्रेष्ठले अलिहेको सरकारले राष्ट्रिय भूमिआयोग मार्फत वितरण भइरहेको लालपूर्जा खारेज नहुनेमा ढुक्क हुन आग्रह गर्नुभएको थियो । उहाँले सम्पूर्ण कानुनी प्रक्रिया पुरा गरेर भूमिहिन सकुम्वासीलाई लालपूर्जा वितरण गरिएको र यो अभियान निरन्तर जारी रहने बताउनुभएको थियो ।
मन्त्री श्रेष्ठले अबको २ वर्षभित्र भूमिसम्बन्धी सम्पूर्ण समस्या समाधान गरिसक्ने गरी सरकार योजना बनाएर अगाडी बढेका र यस अभियानका कोही पनि वास्तविक भूमिहनि सुकुम्वासी भूमि पाउनबाट बन्चित हुन नहुने बताउनुभएको थियो । उहाँले भूमिको उचित प्रयोगका लागि भूउपयोग नियमावली कार्यान्वयनमा ल्याइएको भूमि र भूमिको समुचित प्रयोग गरेर सहकारीको माध्यमबाट उत्पादन र उत्पादकत्व बढाएर स्वाधिन अर्थतन्त्रको निर्माण गर्ने दिशामा मुलुक अगाडी बढिसकेको भन्दै छिटो जग्गाको वर्गीकरण गर्न स्थानीय तहहरुलाई आग्रह समेत गर्नुभएको थियो ।


उहाँले भूमिको समुचित प्रयोग गरेर कृषि उत्पादन र उत्पादकत्व बढाएर आत्मनिर्भर अर्थतन्त्र विकास गर्न र स्वदेशमा नै रोजगारी सिर्जना गर्ने गरी योजनावद्ध रुपमा सरकार अगाडी बढेको पनि बताउनुभएको थियो । मन्त्री श्रेष्ठले मुक्त हलिया, कमैया, कमलरी र हरवाचरवाको समस्या समाधान गर्न उनीहरुको पहिचान, प्रमाणीकरण गर्ने, कार्यविधि तयार गर्ने र पुर्नस्थापनाको कामका लागि कार्ययोजना बनाएर अगाडी बढीसकेको जानकारी पनि दिनुभएको थियो । मन्त्री श्रेष्ठले भूमिसँग जोडिएका समस्या समाधान गर्न भूमिको क्षेत्रमा कार्यरत सवै सचेत बन्नु पर्नेमा जोड दिँदै संविधानमा लिपिबद्ध नागरिकका हक कार्यान्वयन गर्न कसैले पनि बाधा सिर्जना गर्न नहुने बताउनुभएको थियो ।

आफू मोज गर्ने जनतालाई धोका दिने काम बढी नै भो


काठमाडौं । आँउदो मंसिर ४ गते हुने प्रतिनिधि र प्रदेश सभा निर्वाचनकालागी निर्वाचन आयोगले काम तीब्र पारिरहेको छ भने दलहरूले पनि आफ्ना आन्तरिक कामहरू तीब्र पारिरहेका छन्, घोषणापत्रहरू छाप्ने तयारी गरिरहेका छन । शिक्षा, स्वास्थ्य, कृषि, पर्यटन लगायत विकास र समृद्धिका योजना बनाईरहेका छन । त्यतिमात्र होइन यति सिट जित्ने र यसरी भागबण्डा गर्ने भन्ने सम्मका चर्चा, बहस छलफल भैरहेका छन । त्यहि आधारमा एउटा पार्टीका कार्यकर्ता अर्कोमा अदल बदल समेत भैरहेका छन । साँच्चै भन्नुपर्दा ठूला दलका ठूला नेतालाई अहिले पार्टी प्रवेश गराउने र भाषण गर्ने बाहेक फुर्सदै छैन । तर पुराना र ठूला राजनीतिक दलहरू एक्लै निर्वाचनमा होमिने अवस्था छैन, विभिन्न गठजोडहरू भैरहेका छन ।

Continue reading

यस्ता पनि मन्त्री हुन्छन् गाँठे !


काठमाडौं । यातायात मन्त्रीले यातायात व्यवसायीसँग पैसा खाए पछि जनता पीडित बन्ने भएका छन । सार्वजनिक सवारीसाधनको २० वर्ष आयु हटाउने निर्णय यातायात मन्त्रालयका मन्त्री मोहम्मद इशितयाक राई , यातायात मन्त्रालयका सचिव गोपाल प्रसाद सिम्देल र यातायात व्यवस्था विभागका महानिर्दैशक सुरेश राउतले व्यवसायीसँग मिलेर सम्पत्ति आर्जन गरे पछि जनता मर्ने भएका छन । यातायात व्यवसायीसँग आर्थिक लेनदेनमा २० वर्ष पुराना गाडीहरुको अवधि थप वा निरन्तर चल्न दिने निर्णय भइरहेको छ भनेर यातायात कार्यालयकै एक कर्मचारीले नाम नबताउने सर्तमा बताएका छन् ।


यसले आफू कमाउनका लागि मन्त्री जनतामाथि खेलबाड गरिरहेका छन । जनता र विज्ञका अनुसार अहिलेसम्म जतिपनि दुर्घटना भएका छन् त्यसमा सबै २० वर्ष पुगेका थोत्रा गाडीकै कारण भैरहेको बताईएको छ । तर सम्बन्धित निकाय र मन्त्रिले पैसा खाएर जनताको ज्यानमाथि खेलबाड गरिरहेको छ । यातायात मन्त्रीले त व्यवसायीसँग पैसा खाएर ऐन नै परिर्वतन गरिरहेका छन । यातायात व्यवसायको दबाबमा वा आर्थिक लेनदेनमा सार्वजनिक यातायातको २० वर्ष मात्र चल्ने अवधि अघिल्लो सरकारले गरेपनि त्यसलाई आर्थिक लेनदेनमा उल्टाएर मन्त्रीले जनता मार्ने काम गरेका छन । सार्वजनिक यातायातको २० वर्ष अवधि हटाउनका लागि यातायात व्यवसायीले मन्त्रीलाई ७ करोड दिएको यातायात मन्त्रालयका एक कर्मचारीले नाम नबताउने सर्तमा बताएका छन । यहि कारण मन्त्रीले २० वर्ष पुराना गाडीको अवधि थप्न ७ ओटै प्रदेशलाई दबाब दिएको पनि बताईको छ । यातायात मन्त्रीको आर्थिक चलखेलले २० वर्ष पुराना गाडीको अवधि थप्दा जनता फेरि पनि मर्ने भएका छन ।

अहिले बजारमा यातायात व्यवसायीहरु हामीले मन्त्रीलाई ७ करोड दिएर २० वर्ष पुराना गाडीको अवधि थप गर्न लगायौ भन्दै छाति पिटेर हिँडन थालेका छन् । सरकारले २० वर्ष पुराना गाडीले प्रदूषणा र दुर्घटना बढायो भनेर २० वर्ष पुगेका गाडीहरु हटाउने भनेर २०५८ सालमै निर्णय गरेको थियो । तर अहिले २० वर्ष पुगेका नीजिप्लेट र भाडाका दुवै गाडी हटाउनुपर्छ भनेर जनताबाट माग भएको अवस्थामा मन्त्रीले यस्तो निर्णय गर्दा जनता आक्रोश भएका छन् । यहि कारणले नयाँ टयाक्सीको दर्ता समेत लामो समयवधिदेखि खोलिएको छैन । यसले भोलीका दिनमा कस्तो रुप लिने हो यसै भन्न सकिने अवस्था छैन । कतिपय जनताले जसको जवाफ सरकारले दिनुपर्ने बताएका छन भने यसका सन्दर्भमा छानविन हुनुपर्ने पनि कुरा उठन थालेको छ ।


यातायात मन्त्रीले त व्यवसायीसँग पैसा खाएर सरकारको ऐन नै परिर्वतन गरे तर अब भोलिका दिनमा मन्त्रीले गरेको यो निर्णयमाथि कानुन व्यवसायीहरुले मन्त्रीमाथि अदालतमा मुद्रा नै हाल्छन् भने अख्यितायारले छानबिन नै कसरी गर्छन् त्यो भने हेर्न बाँकी छ ।

सहकारी कि हत्याकारी ?


काठमाडौं । राजधानी लगायत अधिकांश सहकारीहरू यतिखेर धमाधम बन्द हुने अवस्थामा छन् । कतिपय बचतकर्ताको रकम नै लिएर भागिसकेका छन् भने भाग्ने क्रम जारी छ । सहकारी बचतकर्ताको करोडौं रकम लिएर टाप कसेपछि उनीहरूले सहकारी घेर्ने र आन्दोलन गर्ने गर्न थालेका छन । उपत्यका बाहिरी जिल्लाका सहकारीहरू भागेर बचतकर्ताहरू सडकमा ओइरिएका छन् । केहि महिना अघिदेखि सहकारीको भाग्ने क्रम ह्वात्तै बढेको पाइन्छ । अहिले जताततै सहकारी भागेका कुराहरू मात्र सुन्नमा आइरहेको छ । हाम्रो पैसा डुब्यो भनेर बचतकर्ताहरू पिरोलिएका छन् । अरुको अवस्था देखेर हाँस्नुको साटो बचतकर्ताले आफ्नो बचत भएको सहकारीमा गएर बुझ्नु पर्ने बेला भएको छ । किन कि यतिबेला सहकारीमा भएको सबै रकम कुम्ल्याएर सञ्चालक बेपत्ता भएका र हुन थालेका छन् । पछिल्लो समय एक हजारदेखि २० लाख सम्म डुबेको कुराहरू बाहिर आइरहेका छन् ।

उपत्यकामा एउटै घरमा पाँच वटासम्म सहकारी भएको र ती सहकारीले दैनिक बजारबाट रकम उठाएपनि उचित ठाँउमा लगानी नगर्दा डुबेको स्पष्ट देखिन्छ । सरकारको अनुगमन, नियमन निकायले बेलाबखत सहकारीको अनुगमन गर्ने चासो नदेखाउँदा आज सयौं निक्षेपकर्ताको करोडौं डुब्ने अवस्था बनेको छ भने भाग्ने सहकारीको खोजतलास राम्ररी हुन् सकेको छैन । अर्को कुरा निक्षेप कर्ताको पनि लापरबाही भएको देखिएको छ । किनकि निक्षेपकर्ताले सहकारीको साधारण सभामा जाने र गएबापत खाममा पैसा बोकेर हिँड्ने बाहेक केही गरेका छैनन् । उनीहरूले त्यहाँ गएर कार्यसमितिका सदस्यहरूलाई समेत चिनेका छैनन् ।

सहकारीहरू धेरै भागेको र धेरैले पैसा हिनामिना गरेको भनेर सहकारी विभागले भनिरहेको छ । विभागले यसो भनिरहँदा जनता आफै पनि अलिकति जागरुक हुनुपर्ने थियो । त्यो भएको देखिएन । जसले गर्दा सहकारीको ठगीधन्दा बढ्न पुगेको हो । यद्यपि बजारबाट पैसा उठाउन कर्मचारी खटाउने क्रम भने अहिले पनि रोकिएको छैन् । सरकारले च्याउ उमारे जसरी सहकारी खोल्न दिँदा र अनुगमन नियमन फितलो हुँदा यो अवस्था आएको अर्थ विज्ञहरूको भनाई छ ।

मन्त्री शशी श्रेष्ठ र नेपालका लागि इजरायली राजदुत हनान गोडरवीच शिष्टाचार भेट


काठमार्डौं । भूमि व्यवस्था सहकारी तथा गरिवी निवारण मन्त्री शशी श्रेष्ठ र नेपालका लागि इजरायली राजदुत हनान गोडरबीच आज शिष्टाचार भेटवार्ता भएको छ । मन्त्रालयमा भएको भेटघाटमा दुईदेशबीचको सम्वन्ध र एक आपसमा भइरहेको सहयोग आदानप्रदानका विषयमा कुराकानी भएको छ ।

भेटमा मन्त्री श्रेष्ठले नेपाल र इजरायल बीच कुटनीतिक सम्बन्ध विस्तार भएको छ दशक भन्दा लामो समयमा पारस्परिक सहयोग, सद्भावना, समझदारी र मैत्रीपूर्ण सम्बन्ध प्रगाढ भएको र द्विपक्षीय सम्बन्ध विकासका विभिन्न विधासँगै सहयोगका क्षेत्रमा विस्तार भएको बताउनु भयो ।

उहाँले नेपाल सरकार भुमिको समुचित उपयोग गरेर सहकारीको माध्यमबाट उत्पादन र उत्पादकत्व बृद्धि गर्दै समृद्धि हासिल गर्नतर्फ लागिरहेको भन्दै इजरायले सहकारीका माध्यमबाट गरेको समृद्धिबाट नेपालले धेरै कुरा सिक्न सक्ने बताउनु भयो ।

मन्त्री श्रेष्ठले यसवर्षको नीति तथा कार्यक्रम र वजेट वक्तव्यमा समेत उत्पादनलाई जोड दिएर वजेट व्यवस्था गरेको भन्दै यसमा प्रविधिलाई जोडेर आगाडी बढ्ने कुरामा सरकार लागिरहेको पनि बताउनुभयो ।

मन्त्रालयले भूमि व्यवस्थापन, सहकारी र गरिवी निवारणका विविध क्षेत्रमा काम गरिरहेको भन्दै मन्त्री श्रेष्ठले यी तीनवटै क्षेत्रमा महत्वपूर्ण नीति तथा कार्यक्रमको सुरुवात गरेको र कृषि, भूमि व्यवस्था लगायतका क्षेत्रमा इजरायलले गरेको उत्कृष्ठ र उदाहरणीय अभ्यासका विषयमा दुइदेशबीच ज्ञान, सीप र अनुभव आदानप्रदान हुन सक्दा दुवै देशका लागि लाभ हुन सक्ने विश्वास लिएको बताउनु भयो ।

भेटमा इजरायली राजदुत हनान गोडरले नेपालको भुमि व्यवस्थापन र कृषि विकासमा प्रविधिको भुमिका महत्वपूण हुने भन्दै नेपाल प्राकृतिक र कृषिमा धेरै संभावना भएको देश भएकाले इजरायलले गरेको प्रविधिको प्रयोग नेपालका लागि पनि उपयोगी हुने बताउनु भयो ।

उहाँले नेपालको कृषि क्षेत्रको विकासमा प्रविधिको प्रयोग र जनशक्ति विकासमा इजरायलले सहयोग गर्दै आएको र नेपालको विकासमा सहयोग गर्दै दुई देशबीचको सम्बन्ध अझै सुमधुर बनाइ राख्न आफुहरु लागिरहेको पनि बताउनु भयो ।